احلى من احلى الاوقات

منتدى نسائى يناقش كل ما يهم المرأه وعالمها الجميل


    حبة نكت علماشى ما احنا بنقول بسم الله مع المنتدى الجميل ده

    شاطر
    avatar
    ميمى الاموره
    مراقبه
    مراقبه

    عدد المساهمات : 26
    نقاط : 48
    تاريخ التسجيل : 12/04/2010
    العمر : 36
    الموقع : memehany50@yahoo.com

    حبة نكت علماشى ما احنا بنقول بسم الله مع المنتدى الجميل ده

    مُساهمة من طرف ميمى الاموره في الإثنين أبريل 12, 2010 3:57 pm

    جايبلكو شويه نكت يارب تعجبكم
    وكل سنه وانتوا طيبين

    * مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي

    * واحد بلديتنا حب يعمل ارهابى.. خطف ابنه.. محدش سأل عليه قتله

    * مره واحد صعيدى حلم انه بيحفر فى بير غويييييط.. صحى لقى ايده فى مناخيره

    * واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت

    *مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟

    قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى...

    قاله لأ.. ماهى ماوقعتش على الارض... قاله امال ماتت ازاى؟

    قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...

    قاله لأ يا عم.. ماهى الكهرباء كانت مقطوعه... قاله امال ماتت ازاى بس؟

    قاله اصل السلك نطرها في حمام السباحه... قاله لا اله الا الله ماتت غرقانه...

    قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟

    قاله ما انا لما ما لقيتش فايدة رحت خانقها بالإيشارب

    * مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
    لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
    الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها

    *مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

    * مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

    ** مرة صرصار كان ميت علي نفسه م الضحك .. ليه؟ علشان كان بيجري وراه واحد احول...

    ** صعيدي وقفت علي وشه دبانة... بيهشها... قالت له حتي انت يا معفن!!!!!

    ** واحد صعيدي نزل يتمشي.. جابوه من ع الحدود
    avatar
    btaa
    مشرفه
    مشرفه

    عدد المساهمات : 144
    نقاط : 155
    تاريخ التسجيل : 06/05/2010
    الموقع : الدنيا الواسعه

    رد: حبة نكت علماشى ما احنا بنقول بسم الله مع المنتدى الجميل ده

    مُساهمة من طرف btaa في الجمعة مايو 07, 2010 5:23 am

    ههههههههههههههه
    ههههههههههههه
    يجننو يا ميمى
    avatar
    نوسه
    نوسه
    نوسه

    عدد المساهمات : 200
    نقاط : 314
    تاريخ التسجيل : 12/04/2010
    العمر : 38

    رد: حبة نكت علماشى ما احنا بنقول بسم الله مع المنتدى الجميل ده

    مُساهمة من طرف نوسه في الأحد مايو 23, 2010 3:15 am

    ههههههههههههههههههه
    عسل يا ميمى
    وخصوصا بتاعه طلعوها
    هههههههههههههههههههههه
    تحفه


    _________________

    بحب الناس الرايقه اللى بتضحك على طول
    اما العالم المتضايقه انا لا ماليش فى دول
    avatar
    btaa
    مشرفه
    مشرفه

    عدد المساهمات : 144
    نقاط : 155
    تاريخ التسجيل : 06/05/2010
    الموقع : الدنيا الواسعه

    رد: حبة نكت علماشى ما احنا بنقول بسم الله مع المنتدى الجميل ده

    مُساهمة من طرف btaa في الإثنين مايو 24, 2010 6:21 pm

    فين الباقى
    .............
    ,..,,,,,,,,,,,,,,

      الوقت/التاريخ الآن هو الثلاثاء نوفمبر 20, 2018 1:25 am